Jame-ը տեղափոխվել է պահեստայինների նստարան
Virtus.pro-ի CS2-ի ավագ Ջամի «Jame» Ալին լքում է թիմի ակտիվ ռոսթերը:
Նիկոլայ Պետրոսյան, Virtus.pro-ի գլխավոր գործադիր տնօրեն.
«Ժեկան Virtus.pro-ի և ընդհանրապես CS-ի լեգենդն է: Նա շատ քրտնաջան աշխատանք է տարել մեր չափազանց մրցակցային միջավայրում հաջողության հասնելու համար: Բայց ցանկացած ռեսուրս վաղ թե ուշ սպառվում է, հատկապես նման խելահեղ տեմպի դեպքում:
Այն բանից հետո, երբ Շանհայի մեյջորում չկարողացանք հասնել մեր նպատակներին, ակնհայտ դարձավ, որ կազմի փոփոխություններից հնարավոր չէ խուսափել: Քննարկումները երկար էին, ընդգրկուն և շատ բարդ։ Ի վերջո, մենք խաղացողների և մարզչի հետ միասին եկանք այն եզրակացության, որ այս փուլում Ջամին չի կարողանա համատեղել թիմում երկու առանցքային դերերը՝ ավագի ու դիպուկահարի, և որի լավագույն լուծումը կլինի նրա տեղափոխումը պահեստայինների կազմ և թույլ կտա հանգիստ դիտարկել մեր թիմի զարգացման բոլոր առկա տարբերակները և Ժեկայի անձնական հեռանկարները:
Ցանկանում եմ վստահեցնել երկրպագուներին, որ այս իրավիճակում մենք լավագույն լուծումն ենք փնտրում թե՛ խաղացողի, թե՛ ակումբի համար։ Լավագույն որոշումները հաճախ ամենադժվարն են, բայց մենք դրանք կկայացնենք բաց և անկեղծ մթնոլորտում»:
Ջամի «Jame» Ալի.
«Ցանկանում եմ իմ խորին շնորհակալությունը հայտնել Virtus.pro-ի ողջ ակումբին, որտեղ ես այդքան անմոռանալի տարիներ եմ անցկացրել: Դա իմ կարիերայի ամենահաջող շրջանն էր, որի ընթացքում ես շատ բան սովորեցի, հանդիպեցի շատ հետաքրքիր մարդկանց և նվաճեցի կարևոր մրցանակներ։
Անկեղծորեն շնորհակալություն եմ հայտնում թիմի յուրաքանչյուր անդամին, բոլոր խաղացողներին, ղեկավարներին, մարզիչներին և երկրպագուներին աջակցության, մոտիվացիայի և իմ հանդեպ ունեցած հավատի համար։ Մենք շատ բանի միջով ենք անցել, և ձեզանից յուրաքանչյուրն իր ներդրումն է ունեցել մեր ձեռքբերումներում: Շնորհակալ եմ ձեզ, որ կիսվեցիրք ձեր փորձով ինձ հետ և օգնեցիք ինձ աճել որպես խաղացող և մարդ:
Արջերին մաղթում եմ միայն հաղթանակներ, հաջողություններ և մշտական զարգացում»։
Jame-ը տեղափոխվել է Virtus.pro 2019 թվականի դեկտեմբերին և այդ ժամանակից ի վեր հաղթել է բազմաթիվ թոփ մրցաշարերում, այդ թվում՝ IEM Rio Major 2022-ը, Flashpoint Season 2-ը և cs_summit 7-ը, ստացել է երկու MVP տիտղոս և երկու անգամ ընդգրկվել է տարվա լավագույն խաղացողների ցանկում ըստ HLTV-ի։
Որպես Ջամիի կարիերան շարունակելու տարբերակներից մեկը՝ խաղացողը և ակումբը պատրաստ են դիտարկել այլ թիմերի տրանսֆերային առաջարկները: CS2-ի կազմի հետագա փոփոխությունների մասին կտեղեկացնենք առանձին: Հետևեք մեր հայտարարություններին։